Оваа обука опфаќа содржини поврзани со стекнување на вештини за брза подготовка,спремност и интервенција за спасување и укажување на помош на настрадани лица и животни на тешко достапни места.За тешко достапни места се сметаат планиските области,кањони,провалии,бунари,јами,силоси,високи згради,кранови и др. 

Со обуката можат да бидат опфатени содржини и за спасување во услови елементарни непогоди како што се: катастрофални пожари,поплави,земјотреси,спасување од рушевини и др.

Предуслов/услов на курсот

• Посебен интерес и перформанси на оперативен пожарникар-спасител

• Пожарникар-волонтер (доброволен пожарникар)

• Останати кандидати со посебен интере и перформанси (планинари,алпинисти,спортисти и др.)

• Способност на читање и разбирање на англискиот или било кој друг странски јазик со основни познавања 

• Способност за преговарање во специфични услови со потренцијалните жртви

• Спремност за изведување на постапка за укажување на прва помош,  преврски и транспорт на повредени лица.

• Способност за работа на височини и длабочини

• Да се полнолетни, здравствено и психо-физички спремни
  
  

Обуката за спасување од тешко достапни места се извршува на два дела:

• Теоретски дел – во просториите на Тренинг Центарот на „Коузон“ или на терен во соодветни услови според програмата;

• Практичен дел – се изведува во Тренинг Центарот на „Коузон“ или на терен во соодветни услови според програмата;

Времетраењето на оваа обука во просек трае една работна недела  (40 наставни часа). Во овој дел од обуката вклучен се и елементи (содржини) за начини и постапки при евакуација и спасување во случај на пожар, природна непогода или друг вид на несреќа.

Забелешка: За секоја обука се изготвува и прилагодува посебен План и Програма за спроведување на обуката.